Aksident pranë Shkozetit, lëndohet rëndë shoferi i një automjeti që lëvizte në kundravajtje

Një aksident i rëndë rrugor ka ndodhur pasditen e sotme në zonën e Shkozetit, në Durrës.

Sipas informacioneve të para, automjeti është përplasur ndërsa po lëvizte në kundravajtje. Drejtuesi i mjetit u transportua me urgjencë në spital, në gjendje të rëndë shëndetësore.

Shkaqet e plota të aksidentit mbeten ende të paqarta, ndërsa Policia ka mbërritur në vendngjarje dhe po punon për të zbardhur rrethanat e sakta të ngjarjes.