Trump: Irani ndal ekzekutimin e tetë grave protestuese, Teherani e mohon

Presidenti i Donald Trump deklaroi se Irani nuk do të vazhdojë me ekzekutimin e tetë grave të arrestuara gjatë protestave, duke e cilësuar këtë zhvillim si një “lajm shumë të mirë”.

Në një postim në Truth Social, Trump bëri të ditur se katër prej grave do të lirohen menjëherë, ndërsa katër të tjera do të përballen me një dënim prej një muaji burg. Ai shtoi se autoritetet iraniane, sipas tij, kishin marrë parasysh kërkesën e tij për anulimin e ekzekutimeve.

Deklarata erdhi vetëm disa orë pasi Trump vendosi të zgjasë armëpushimin me Iran, në pritje të një përgjigjeje nga Teherani për një propozim amerikan që synon t’i japë fund konfliktit që zgjat prej afro dy muajsh.

Megjithatë, autoritetet iraniane e kundërshtuan menjëherë këtë version. Gjyqësori i Iran mohoi kategorikisht se gratë ishin në rrezik ekzekutimi, duke deklaruar se presidenti amerikan “është mashtruar sërish nga lajmet e rreme” dhe se disa prej tyre janë liruar, ndërsa të tjerat përballen me akuza që nuk parashikojnë dënim me vdekje.