Rama dënon sulmet e Iranit ndaj Emirateve të Bashkuara Arabe: Terrorizëm, Teherani duhet të mbajë përgjegjësi

Kryeministri i Shqipëri, Edi Rama, ka reaguar pas sulmeve të reja të Iran ndaj Emiratet e Bashkuara Arabe, duke i cilësuar ato si një akt terrorist dhe agresion të papranueshëm ndaj një shteti sovran.

Përmes një reagimi publik, Rama tha se sulmet me raketa dhe dronë ndaj Emirateve përbëjnë një kërcënim serioz për paqen dhe stabilitetin rajonal.

“Sulot e rinovuara me raketa nga shteti terrorist i Iranit ndaj vëllezërve të Emirateve të Bashkuara Arabe janë një akt i pamatur, i paprovokuar dhe krejtësisht i papranueshëm agresioni ndaj një shteti sovran dhe vetë paqes rajonale”, u shpreh Rama.

Ai theksoi se Emiratet e Bashkuara Arabe përfaqësojnë paqe, progres dhe stabilitet, duke shtuar se sulmi ndaj tyre është një goditje ndaj sigurisë në Gjirin Persik dhe më gjerë.

Kryeministri shqiptar shprehu gjithashtu solidaritetin e plotë me udhëheqësit dhe qytetarët e Emirateve, ndërsa akuzoi regjimin iranian për eksportim dhune dhe destabiliteti në rajon.

Sipas Ramës, Iran duhet të mbajë përgjegjësi të plotë për përshkallëzimin e situatës.

Reagimi i plotë:

Sulmet e rinovuara me raketa nga Shteti Terrorist i Iranit ndaj vëllezërve të Emirateve të Bashkuara Arabe janë një akt i pamatur, i paprovokuar dhe krejtësisht i papranueshëm agresioni ndaj një shteti sovran dhe vetë paqes rajonale. EBA u përball sot sërish me sulme me raketa dhe dronë, dhe ne, Shqipëria, dënojmë në termat më të fortë këtë sulm terrorist nga një regjim që vazhdon të eksportojë dhunë, paqëndrueshmëri dhe pasiguri jashtë kufijve të tij.

Të synosh EBA-në, një komb që qëndron për paqe, progres, stabilitet dhe partneritet përtej religjioneve, racave, gjuhëve dhe rajoneve, nuk është vetëm një sulm ndaj një vendi, por një sulm ndaj vetë mundësisë për paqe dhe siguri në Gjirin Persik dhe shumë më gjerë.
Solidariteti ynë i plotë është me udhëheqësinë, popullin dhe mbrojtësit e UAE-së. Ata që synojnë të terrorizojnë kombet e lira përmes raketave dhe frikësimit duhet ta dinë se veprime të tilla vetëm thellojnë izolimin e tyre dhe forcojnë vendosmërinë e atyre që qëndrojnë për sovranitet, siguri dhe paqe globale. Irani duhet të mbajë përgjegjësi të plotë për këtë përshkallëzim të rrezikshëm, dhe këtë së pari dhe mbi të gjitha për popullin e tij, i cili mbetet peng i një regjimi që sundon me instinktet e Epokës së Gurit, duke tërhequr një komb të lashtë më thellë në izolim, terror dhe vetëshkatërrim.