“Misteri i vogël mbetet…”/ Eliona Pitarka bëhet nënë për herë të tretë, pyet ndjekësit: Vajzë apo djalë?

Aktorja e njohur, Eliona Pitarka, ka sjellë në jetë fëmijën e saj të tretë. Lajmin e bukur e ka ndarë vetë ajo me ndjekësit përmes një postimi në profilin e saj në “Instagram”.

Eliona ka publikuar një video të ëmbël ku ajo shfaq foshnjën, por këtë herë ka vendosur të mos zbulojë ende gjininë e bebit.

Me humor, Pitarka shkruan në mbishkrimin e videos:

“Bebi erdhi… por misteri i vogël mbetet!

Po tani që po e shihni, a e ndjeni çfarë ka qenë gjatë gjithë këtyre muajve në zemrën time? Vajzë Apo Djalë? Bëjeni parashikimin e fundit…”.

Urimet për të nuk kanë munguar nga ndjekësit dhe personazhet publikë, ndërsa misteri mbi gjininë mbetet ende i hapur për fansat e saj.

Mëngjesin e sotëm ajo ka publikuar një video tjetër ku shfaqet vetë ajo teksa mban në krahë bebin.

“Era beb i freskët. Krahët plot, shpirti plot! Faleminderit ZOT!”, shkruan Eliona krahas postimin të saj.