Jo çdo “shpërthim” është mosbindje/ Si t’i ndihmoni fëmijët të shprehin dhe menaxhojnë emocionet e tyre

Ekspertët e zhvillimit të fëmijës theksojnë rëndësinë e ndërtimit të fjalorit emocional që në moshë të hershme, për t’i ndihmuar fëmijët të kuptojnë dhe menaxhojnë më mirë ndjenjat e tyre.

Sipas tyre, reagimet e forta emocionale nuk lidhen domosdoshmërisht me mosbindje, por me vështirësinë e fëmijëve për të shprehur me fjalë emocione si zemërimi, frika apo trishtimi. Kur ata mësojnë t’i emërtojnë këto ndjenja, rritet edhe aftësia për vetëkontroll dhe empati.

Ekspertët shtojnë se prindërit luajnë rol kyç në këtë proces, duke shërbyer si shembull në mënyrën e shprehjes së emocioneve në përditshmëri.