Njoftim zyrtar: Anulohet televotimi! Vëllai i Madh dërgon zarfin e zi – çfarë do të ndodhë në Prime-n e së shtunës?

Një zarf i zi ka mbërritur papritur në shtëpi, duke shkaktuar tension dhe pasiguri mes banorëve. Njoftimi i ardhur nga Vëllai i Madh ka tronditur lojën, pasi në të bëhet e ditur se televotimi aktual është anuluar.

Vendimi vjen në mënyrë të papritur dhe banorët nuk janë vënë ende në dijeni për arsyet apo pasojat që pritet të sjellë ky zhvillim.

Atmosfera në shtëpi është rënduar, ndërsa konkurrentët vijojnë diskutimet dhe aludimet për atë që mund të ketë ndodhur. Anulimi i televotimit ngre pikëpyetje mbi fatin e nominimeve dhe mbi mënyrën se si do të vijojë gara në ditët në vijim.

Burime pranë produksionit bëjnë me dije se të gjitha detajet do të zbulohen mbrëmjen e së shtunës, gjatë spektaklit të radhës. Pritet që Vëllai i Madh të sqarojë arsyet e anulimit të televotimit, si edhe hapat që do të ndiqen më tej.

Deri atëherë, misteri mbetet pezull, ndërsa publiku dhe banorët presin me padurim zbardhjen e plotë të këtij vendimi që mund të ndryshojë rrjedhën e lojës./BBVA5