FOTOT/ Ish-burgjet që u kthyen në hotele luksoze me pesë yje

Trendet e udhëtimit për vitin 2026 po nxjerrin në pah një lloj të ri “arratisjeje luksoze”: ish-burgjet historike që tani funksionojnë si hotele me pesë yje, duke ofruar përvojë unike për udhëtarët.

Ish-burgu për të mitur në Japoni
Një nga këto prona, Hoshinoya Nara, ndodhet në ish-burgun për të mitur të Narës dhe pritet të hapet për publikun në qershor të këtij viti. Ndërtesa, e ndërtuar në vitin 1908 gjatë periudhës Meiji dhe funksionale deri në 2017, është shpallur si pronë e rëndësishme kulturore kombëtare. Hotele japoneze ka ruajtur elementët karakteristikë të burgut, duke përfshirë fasadën me tulla të kuqe dhe strukturat e brendshme të çelikut, por me dhoma të bollshme dhe suita luksoze. Ish-krahu i paraburgimit tani është një restorant japonezo-francez, ndërsa muzeu i burgut do të hapet këtë prill. Jashtë hotelit, vizitorët mund të eksplorojnë Parkun e Narës dhe tempujt e famshëm, përfshirë Todai-ji, pjesë e Trashëgimisë Botërore të UNESCO-s.

Ish-burgu i disidentëve intelektualë në Stamboll
Four Seasons Hotel Istanbul At Sultanahmet ishte dikur një burg që mbanin disidentë intelektualë dhe gazetarë.

Ndërtuar në vitin 1918, burgun e përdorën deri në vitin 1969. Pas një rinovimi të madh, hoteli u hap si Four Seasons në vitin 1996, duke ruajtur disa elementë të jashtëm dhe materiale të brendshme origjinale. Sot ofron 65 dhoma dhe suita me pamje nga Bosfori, spa tradicionale dhe restorante, pa shumë ngjashmëri me burgun origjinal.

Hotel Liberty, Offenburg dhe Charles Street Jail, Boston
Në Offenburg, Gjermani, ish-burgu i luftëtarëve për liri nga Revolucioni i Badenit është kthyer në Hotel Liberty, ku dy krahët e mëparshëm u lidhën me një kub qelqi që shërben si recepsion. Në Boston, ish-burgu Charles Street, i hapur në 1851, funksionoi deri në 1990 dhe tani është The Liberty, një hotel luksoz me elemente origjinale të burgut, si qelitë dhe oborri i shndërruar në kopësht të peizazhuar.

The Interlude, Melbourne, Australi
Burgu Pentridge në Melbourne, dikur shtëpia e kriminelëve famëkeq, është shndërruar në The Interlude, një hotel butik me 19 suita. Çelat e burgut u bashkuan për të krijuar suita luksoze, duke ruajtur punimet origjinale prej guri dhe duke shtuar pajisje moderne. Hoteli përfshin një pishinë nëntokësore dhe ofron një përvojë unike wellness në ish-burg.

Këto transformime tregojnë se edhe ndërtesat më të frikshme historikisht mund të gjejnë një jetë të re, duke kombinuar trashëgiminë kulturore me luksin modern.