Iran: Izraeli godet selinë e luftimeve dhe spitalin ushtarak

Forcat e Armatosura Izraelite (IDF) njoftuan se kanë "çmontuar selinë e luftimeve iraniane", ku, sipas ushtrisë izraelite, ndodheshin zyrtarë të regjimit iranian.

Ushtria izraelite pretendon se qendrat e komandës, duke përfshirë selinë e Korpusit të Gardës Revolucionare Islamike (IRGC), selinë e inteligjencës, qendrat e komandës së Forcave Ajrore të IRGC dhe Selinë e Sigurisë së Brendshme, u goditën nga një "valë sulmesh në shkallë të gjerë".

IDF deklaron se "do të vazhdojë të shënjestrojë infrastrukturën ushtarake dhe operativët e regjimit terrorist iranian kudo që ata veprojnë".

Ata goditën edhe një spital ushtarak

Sipas Fars, forcat izraelite goditën gjithashtu spitalin ushtarak dhe disa baza të milicisë Basij, të cilat luajtën një rol të rëndësishëm në shtypjen e protestave të janarit./Lajmi i Fundit