Pas lirimit nga qelia, Salianji pritet me përqafime nga kolegët në selinë e PD! Deputeti: Bëra burg politik

Pas lirimit nga burgu, ish-deputeti Ervin Salianji ka mbërritur sot në selinë e Partisë Demokratike, ku është pritur me duartrokitje dhe përqafime nga simpatizantë demokratë të mbledhur në hyrje të godinës.

Në ambientet e selisë, ai u mirëprit nga deputetja Ina Zhupa dhe kolegë të tjerë të PD-së.

Në deklaratën e tij publike, Salianji falënderoi gazetarët për vëmendjen dhe mbulimin mediatik gjatë kohës së burgosjes, të cilën e cilësoi si politike.

“Ju falënderoj për mbulimin, vëmendjen dhe mesazhet që nëpërmjet jush kam pasur mundësi të komunikoj me publikun gjatë periudhës së qëndrimit në burg politik,” tha ai.