Vrasja e 23-vjeçarit në Ulëz, shoqërime në polici. Ekspertë nga Tirana do nxjerrin automjetin nga liqeni

Vdekja e 23-vjeçarit nga fshati Madhesh në Ulëz i cili u gjet i pajetë në ujërat e liqenit të Shkopetit, ka tronditur opinionin publik.

Për këtë ngjarje priten shoqërime të reja në polici.

Ndërkohë, ditën e enjte, një grup ekspertësh nga Tirana do të nxjerrin automjetin e 23-vjeçarit nga liqeni i Shkopetit.

Sipas informacionit që ka siguruar News24, 23-vjeçari Renis Dobra ishte kthyer nga Gjermania rreth 6 muaj më parë, ndërsa familjarët në dëshminë e parë kanë pohuar se nuk kanë dijeni që djali të ketë pasur konflikte me persona të tjerë.