Irani godet me raketa Jeruzalemin, Izraeli qëllon rajonin e policisë në Teheran

Një seri shpërthimesh të forta janë dëgjuar mbi Jerusalemin Perëndimor pas sirenave të sulmeve ajrore pasi ushtria izraelite tha se zbuloi raketa të lëshuara nga Irani.

"Pak kohë më parë, [ushtria izraelite] identifikoi raketa të lëshuara nga Irani drejt territorit të Shtetit të Izraelit", tha ushtria në një deklaratë.

"Sistemet mbrojtëse po veprojnë për të kapur kërcënimin."

Një korrespondent i Al Jazeera-s raporton se një raketë iraniane ka goditur drejtpërdrejt qytetin e Jerusalemit.

Pak kohë më parë raportuam se janë tingëlluar sirenat e sulmeve ajrore dhe janë dëgjuar shpërthime mbi Jerusalemin Perëndimor, pasi ushtria izraelite tha se kishte zbuluar raketa të lëshuara nga Irani drejt Izraelit.

“Sistemet mbrojtëse po veprojnë për të kapur kërcënimin”, tha ushtria izraelite, duke i bërë thirrje publikut të qëndrojë në strehimore.

Nderkohe mediat iraniane raportojnë se një stacion policie në periferi të kryeqytetit të Iranit është goditur në një sulm që ka vrarë një numër të papërcaktuar njerëzish.

Të tjerë mbeten të bllokuar nën rrënojat e ndërtesës së shkatërruar.

“Pas sulmit armik në qytetin e Rey, u goditën ndërtesa e Shtabit të Policisë së Rey dhe ndërtesat e banimit aty pranë”, raportoi agjencia e lajmeve Tasnim.

"Sipas raporteve fillestare, një numër qytetarësh u martirizuan dhe disa të tjerë mbetën të bllokuar nën rrënoja."